«ijtimoiy tarmoqlar» tegli maqolalar
“Maktabni qamoqxonaga aylantirish davom etmoqda”. Faollar Navoiyda o‘quvchilarning sochi majburan kaltalangani haqida
Navoiy shahridagi maktabda o‘quvchi yigitlarning sochi ommaviy kaltalangani jamoatchilik noroziligiga sabab bo‘ldi. Ayrimlar qamoqdagi bolaninggina sochi majburiy olinishini aytsa, ba’zilar maktab islohotini ularga suv, hojatxona va kompyuterlarni olib borishdan boshlagan yaxshiroq, degan fikrda. Munosabatlar.
Begonalarga sigaret chekmaslik haqida «amru ma’ruf» qilgan shaxs jarimaga tortildi
Ijtimoiy tarmoqlarda shaxsiy diniy qarashlaridan kelib chiqqan holda begonalarga sigaret chekmaslik haqida tushuncha bermoqchi bo‘lgan shaxs bilan profilaktik suhbat o‘tkazilgani ma’lum qilindi. Shuningdek, ushbu shaxs sud tomonidan BHMning 20 baravari miqdorida jarimaga tortildi.
2022-yilda toshkentliklar kiberjinoyatlardan 45,2 mlrd so‘m zarar ko‘rdi
Toshkentda fuqarolarning bank kartalaridagi pullarini aldov yo‘llari bilan o‘zlashtirish holatlari keskin oshdi. 2022-yilda bunday kiberjinoyatlar oqibatida toshkentliklar kamida 45,2 mlrd so‘m zarar ko‘rgan. Bu pullarning bor-yo‘g‘i 9,2 mlrd so‘mga yaqini undirib berilgan. IIBB keng tarqalgan usullarni sanadi.
«Mavjud tizim xato. Bu faqat teatr». Ijtimoiy tarmoqlar foydalanuvchilari metroga kirishdagi tekshiruvlar haqida
Toshkentda «sumkamda bomba bor» deb hazillashgan qizning 5 sutkaga qamalishi ijtimoiy tarmoqlarda muhokamalarga sabab bo‘ldi. Foydalanuvchilar metroga kirishdagi tekshiruvlarning samarasiz va hatto mantiqsizligini ta’kidlamoqda.
«Eng og‘ir jazoni olishi lozim». Ijtimoiy tarmoq faollari rashk sabab xotinini pichoqlab o‘ldirgan er haqida
Quyi Chirchiqdagi 31 yoshli erkak rashk tufayli o‘z xotinini otasining uyida pichoqlab o‘ldirdi. «Gazeta.uz» tarmoqlar foydalanuvchilari ushbu xabarga bildirgan fikrlarni bir materialga jamladi. Kimdir bu qilmishi uchun unga eng og‘ir jazoni berish kerak desa, kimdir bunga tomoshabin bo‘lganlar ham aybdor demoqda.
«YPX xodimining haqoratlanishi butun oilasiga qattiq ta’sir qiladi». Ortiqxo‘jayev xodimlarni tasvirga olish haqida
Poytaxt hokimi YPX xodimlaridan bir hafta davomida tajriba tariqasida haydovchilarga xushmuomala bo‘lishni, fuqarolardan esa xodimlarni suratga olib, haqorat qilmaslikni «o‘tinib so‘radi». «YPX xodimining haqoratlanishi yoki kamsitilishi uning butun oilasiga qattiq ta’sir qiladi. Bunday beodoblik Toshkentda umuman bo‘lmasligi kerak», — dedi Jahongir Ortiqxo‘jayev.
«Shavkat Miromonovich, biz sizni qo‘llab-quvvatlaymiz» — «o‘quvchilarimiz» izohlari
«Prezidentimiz birinchi raqamli», «Mirziyoyevga ehtirom», «Orzularingiz ushalsin, Shavkat Miromonovich» — bu kabi izohlar prezident bilan bog‘liq xabarlar ostida tez-tez uchrab turadi. Bu kim tomonidan nima uchun qilinayotgani va bu borada nima qilish kerakligini bilmaymiz. Ammo bunday sharhlarni o‘qish har doim qiziqarli.
Qozog‘istonda bir qator ijtimoiy tarmoqlar ochilmayapti
«Gazeta.uz» manbalari va Qozog‘istondagi OAVlar mamlakatda bir qator ijtimoiy tarmoqlar ochilmayotganini ma’lum qildi. Ayrim hududlarda esa norozilik namoyishlari davom etmoqda. Prezident Qasim-Jomart Toqayev namoyishchilardan «buzg‘unchi shaxslarning chaqiriqlariga ergashmaslikni» so‘radi va ijtimoiy-iqtisodiy xarakterdagi talablarni ko‘rib chiqishga va’da berdi.
Jahongir Ortiqxo‘jayev va Ruslanbek Davletov — ijtimoiy tarmoqlar bloklanishi haqida
Toshkent hokimi Jahongir Ortiqxo‘jayevning fikricha, O‘zbekistonda TikTok faoliyatini tarmoqda «keraksiz kontentni» ko‘rganlarning o‘zi cheklagan. Adliya vaziri Ruslanbek Davletov esa axborot almashinuvi erkinligi tarafdori ekanligini ma’lum qildi. «Hozirgi asrda axborotni hech qachon cheklab, siz uni ustiga o‘tirib, jilovlay olmaysiz» — dedi u.
«Kelishilmagan xarakatlar». Ijtimoiy tarmoqlarning bloklanishi boshqa ko‘plab savollarni keltirib chiqardi
«O‘zkomnazorat» qonunda belgilangan talabni bajardi, shunga qaramasdan, regulyator rahbari ishdan bo‘shatildi, qonunbuzarlar ro‘yxatidan esa barcha ijtimoiy tarmoqlar ham chiqarib tashlangani yo‘q. Misol uchun, «VKontakte», Twitter, WeChat, TikTok va Skype hanuz qora ro‘yxatda. «Kelishilmagan harakatlar» ortidan ijtimoiy tarmoqlarning bloklanishi va javobsiz qolayotgan savollar haqida mutaxassislar fikri.
«O‘zkomnazorat» Telegram, YouTube, Instagram, Facebook, Odnoklassniki`ning O‘zbekistondagi faoliyatini chekladi
O‘zbekistonda shaxsiy ma’lumotlar to‘g‘risidagi qonun hujjatlarini buzuvchilar reyestriga TikTok, Twitter, VKontakte va Skype`dan tashqari Telegram, Facebook, Odnoklassniki, YouTube va boshqalar kiradi. O‘zbekistonda ushbu ijtimoiy tarmoqlarning faoliyati cheklangan.
Facebook Qozog‘iston hukumatiga zararli kontentni to‘g‘ridan-to‘g‘ri belgilashga ruxsat beradi
Meta Platforms Qozog‘iston hukumatiga o‘zining kontent haqida hisobot tizimidan foydalanish imkoniyatini taqdim qildi. Bunga Qozog‘iston hukumatining millionlab mahalliy foydalanuvchilar uchun ijtimoiy tarmoqni bloklab qo‘yish bilan tahdid qilganligi sabab bo‘lgan. Tanqidchilar mamlakat hukumatini senzuraning yangi vositalariga ega bo‘lishga intilayotganlikda ayblamoqdalar.
O‘zbekistonda ijtimoiy tarmoqlar faoliyati cheklanganidan so‘ng mobil VPN birdaniga ommalashdi
O‘zbekistonda TikTok, Twitter va «VKontakte» ijtimoiy tarmoqlar faoliyatiga cheklov qo‘yilganidan so‘ng, VPN dasturiga talab birdaniga ortdi. So‘nggi marta bunday holat 2018 yilning kuzida, Facebook va YouTube bloklanganida kuzatilgan edi.
«Ijtimoiy tarmoqlarni bir oyga yopib, hammani kitob, gazetaga o‘tqazish kerak» — Namangan viloyati hokimi
Namangan viloyati hokimi Shavkatjon Abdurazzoqov yoshlar ko‘proq kitob va gazetalarni o‘qishlari uchun ijtimoiy tarmoqlarni bir oyga yopishni taklif qildi. O‘z navbatida, deputat Rasul Kusherbayev axborot asrida ijtimoiy tarmoqlarni cheklashni kulguli va absurd qaror deb atadi.
O‘zbekistonda bir nechta ijtimoiy tarmoqlar faoliyati vaqtinchalik cheklandi
“Fuqarolarning shaxsga doir ma’lumotlariga ishlov berishning qonuniy talablari” buzilganligi uchun O‘zbekistonda ayrim ijtimoiy tarmoqlardan foydalanish cheklandi, deya ta’kidlamoqda “O‘zkomnazorat”. Faoliyati cheklangan ijtimoiy tarmoqlar nomi ko‘rsatilmagan, ammo ijtimoiy tarmoq foydalanuvchilari Twitter, TikTok va VKontakte faoliyatida uzilishlar bo‘layotganini aytmoqda.
Jahon internet kompaniyalari O‘zbekistonda serverlarini joylashtirishi zarurligi to‘g‘risida ogohlantirildi
Telegram, Facebook, TikTok, Google va Yandex kabi ijtimoiy tarmoqlar va internet-kompaniyalar 16 apreldan boshlab O‘zbekiston fuqarolarining shaxsiy ma’lumotlarini mamlakat ichida joylashgan serverlarda qayta ishlashga majbur. Tegishli xatlar allaqachon ularga yuborilgan, dedi Davlat personallashtirish markazi rahbari Ulug‘bek Toshxo‘jayev.
Eng ko‘p o‘qilgan xabarlar | So‘nggi yangiliklar
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- Orolbo‘yidan 70 mln yillik dinozavr suyagi topildi
- O‘zbekiston Afg‘onistonga 169 tonnadan ortiq insonparvarlik yordamini yubordi (foto)
- “Afrosiyob” elektropoyezdlari uchun chiptalar narxi yana oshadi
- O‘zbekistonga pul o‘tkazmalari ko‘paydi, Rossiyaning ulushi esa kamaydi — Markaziy bank
Qo‘shimcha imkoniyatlarga ega bulish uchun saytda ro‘yxatdan o‘ting